ShayarinSMS.com

Wahan Ki Roshniyoun Nay Bhi Zulm Dhay Bohat
Main Is Gali Main Akaila Tha Aur Saay Bohat

Kisi Kay Sur Pay Kabhi Tout Kay Gira Hi Nahi
Is Asman Nay Hawa Main Qadam Jamay Bohat

Najanay Rut Ka Taswur Tha Ya Nazar Ka Fareeb
Kali Wohi Thy Magar Rung Jhilmilay Bohat

Hawa Ka Rukh Hi Achanak Badal Gaya Warna
Mehuk Kay Qafilay Sehra Ki Simt Aay Bohat

Yeh Kayanat Hay Mari Hi Khak Ka Zara
Main Apnay Dasht Say Guzra Tu Bhaid Paay Bohat

Jo Mouteyoun Ki Talab Nay Kabhi Udas Kiya
Tu Hum Bhi Rah Say Kunkar Samait Laay Bohat

Bus Ik Raat Thaiharna Hay Kiya Gila Kijyay
Musafiroun Ko Ganemut Hay Yeh Saray Bohat

Jumi Rahay Gi Nigahoun Main Teergi Din Bhar
Kay Raat Khwab Main Taray Utar Kay Aay Bohat

Qurb K Na Wafa K Hote Hain
Saray Jhagray Ana K Hote Hain

Baat Niyat Ki Sirf Hai Warna
Waqt Saray Dua K Hote Hain

Bhool Jate Hain, Mat Bura Kehna
Log Putlay Khata K Hote Hain

Wo Bazahir Jo Kuch Nahi Lagte
Un Se Rishtay Bala K Hote Hain

Wo Humara Hai Is Tarah Se Faiz
Jaisay Banday Khuda K Hote Hain

Jo Khushi Tumharay Kareeb Ho
Wo Sada Tumhain Naseeb Ho

Tujhe Wo Khulos Milay Ke Jo
Teri Zindagi Pe Muheet Ho

Jo Mayaar Tujhko Pasand Ho
Jo Tumhare Dil Ki Umang Ho

Teri Zindagi Jo Talab Kare
Teray Hamsafar Ka Wo Rang Ho

Jo Khayaal Dil Main Aseer Ho
Or Dua Main Bhi Taseer Ho

Teray Haath Uthtay Hi Khuda Karay
Teray Saamne Tabeer Ho

Tujhe Wo Jahan Milay Jidhar
Ghamon Ka Koi Guzar Na Ho

Jidhar Rooshni Ho Khuloos Ki
Or Nafratoon Ko Khabar Na Ho